मुगु : मुगुको छाँयानाथ रारा गाउँपालिका–७ बिनागाउँमा मंगलबार दिउसो यात्रुबाहक बस दुर्घटना हुँदा ठूलो संख्यामा मानविय क्षति भएको आशंका गरिएको छ ।
नेपालगञ्जबाट मुगु सदरमुकाम गमगढी जाँदै गरेको भे १ ख ६७ नम्बरको बस मंगलबार दिउँसो २ बजेतिर दुर्घटना भएको हो । बस सडकबाट दुईसय मिटर तफ खसेको कर्णाली प्रदेश प्रहरी कार्यालयका प्रवक्ता एवम् डिएसपी माधव श्रेष्ठले जानकारी दिए । बसमा कति यात्रु सवार थिए र मानवीय क्षति बारे आईनसकेको उनको भनाइ छ ।
गमगढीबाट झण्डै दुई घण्टाको दुरीमा भएको दुर्घटनामा घाइतेहरूलाई उद्धार गरि जिल्ला अस्पताल मुगु लागिएको छ । घाइतेहरूको अस्पतालमा पु¥याउने काम भईरहेकोले अस्पताल पुर्याएपछि मात्रै मृत्युको संख्या एकिन गरिने प्रहरीले जनाएको छ । अप्ठ्यारो भिरालोबाटोका कारण दुर्घटना भएको प्रहरीको प्राम्भिक अनुसन्धानले देखाएको छ । बिस्तृत आउन बाँकी …
