गुल्मी : पहिरोमा गुल्मीमा परि एकै परिवारका तीन जन दिदिबहिनीको मृत्यु भएको छ । मंगलवार रातीदेखि परेको अविरल बर्षाका कारण गुल्मीमा पहिरा आएर घर पुरिँदा उनीहरुको मृत्यु भएको हो ।
गुल्मीकोको रेसुङ्गा नगरपालिका ८ थुम्काका तिलक परियारको घर पहिरो पुरिँदा उनकी २१ वर्षीया छोरी भावना, १४ वर्षीया जुम्ल्याहा छोरी गङ्गा र जमुनाको मृत्यु भएको जिल्ला प्रहरी कार्यालयले गुल्मीले जानकारी दिएको छ ।
पहिरो आई घर पुरिँदा एउटै कोठामा सुतिरहेका उनीहरूको मृत्यु भएको प्रहरीले जानकारी दिएको छ । पुरिएकाको शव स्थानीयवासी, नेपाली सेना र नेपाल प्रहरीले बाहिर निकालेका छन् ।
शवलाई अहिले परीक्षणका लागि गुल्मी अस्पतालमा राखिएको प्रहरीले जानकारी दिएको छ । तिलक, उनकी श्रीमती र अर्की छोरी भने सुरक्षित रहेका छन् ।
