नेपालगञ्ज : बाँके प्रहरीले अबैध रुपमा भन्सार छलेर ल्याउदै गरेको रांगा नियन्त्रण लिएर आवश्यक कारवाहीको नेपालगञ्ज भन्सारमा पठाएको छ । विहिबार जिल्ला प्रहरी कार्यालयबाट खटिएको प्रहरी टोलिले नेपालगञ्ज उप–महानगरपालिका–१२ बाट ४ वटा रांगा नियन्त्रणमा लिएको हो ।
भारतबाट अबैध रुपमा रांगा ल्याईरहेको भन्ने बिशेष सूचनाको आधारमा उक्त स्थानमा यस कार्यालयबाट खटिएको प्रहरी टोलिले जाँच गर्दा ८० हजार बराबरका ४ वटा रांगा बेवारिसे अवस्थामा फेला पारेको बाँके प्रहरीले जानकारी दिएको छ ।
बेवारीसे अवस्थामा फेला परेका रांगालाई नियन्त्रणमा लिई आवश्यक कारवाहीको लागि भन्सार कार्यालय नेपालगञ्ज बाँकेमा पठाईएको प्रहरीले जनाएको छ ।
