नेपालगञ्ज : बाँके राष्ट्रिय निकुञ्जले मान्छे खाएको बाघलाई नियन्त्रण गर्न विभिन्न उपाय लगाएको छ । निकुञ्जका प्रमुख संरक्षण अधिकृत श्यामकुमार शाहले बाघलाई नियन्त्रणका लागि ठाउँ–ठाउँमा आहारा राखेको जानकारी दिए ।
आहार खान आउँदा बाघलाई नियन्त्रण गर्ने रणनीति बनाइएको शाहले बताए । बाघ बस्तीको छेउछाउमै आइरहेकाले बाघलाई नियन्त्रण गर्ने निष्कर्षमा निकुञ्ज पुगेको हो ।
राप्तीसोनारी गाउँपालिका–१, गाभरमा आइतवार एकजनालाई बाघले खाएपछि अहिले बस्ती नै आतंकित भएको छ । स्थानीयले मान्छे खाने बाघलाई नियन्त्रण गर्न दबाब दिएका छन् ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
निकुञ्ज प्रशासनले बाघलाई नियन्त्रणका गर्नका लागि हात्तीसहितको टोली परिचालन गरेको छ । ठाउँ–ठाउँमा क्यामेरा जडान गरेको छ । बस्तीको आसपासमा दैनिक बाघ देखिन थालेपछि पूर्वपश्चिम राजमार्गमा यात्रा गर्दा सतर्कता अपनाइएको छ ।
मोटरसाइकल, साइकल र पैदलयात्रामा साँझ कडाई गरिएको छ भने दिउँसो पनि समूहमा पठाउने गरिएको छ । निकुञ्जमा अहिले २१ वटा बाघ रहेका छन् ।