काठमाण्डौ : १३ वर्षीया बालिकालाई ट्रकभित्रै जबरजस्ती करणी गर्ने चालक र सह–चालक पक्राउ परेका छन् ।
पक्राउ पर्नेमा झापा जिल्ला हल्दीबारी गाउपालिका–५ बस्ने ३२ वर्षिय चालक हर्क बहादुर विश्वकर्मा र सह–चालक मोरङ जिल्ला उर्लाबारी नगरपालिका–१ बस्ने बर्ष १८ का निदिप धिमाल रहेका जिल्ला प्रहरी कार्यालय काभ्रेका प्रहरी नायव उपरीक्षक हरि खतिवडाले जानकारी दिए ।
उनीहरुले यहि भदौ २६ गते राती १२ः३० बजेतिर भक्तपुर नगरपालिका–१ श्रृजनानगर स्थित सडकमा पूर्व तर्फ जान भनी गाडी कुरिरहेकी बालिकालाई गन्तव्यसम्म पुर्याइदिने भनी गाडिमा राखेर ल्याएका थिए ।
रातको करिब १ः३० बजे काभ्रेको बनेपा नगरपालिका–१२ साझा पेट्रोल पम्प अगाडि गाडी रोकेर गाडी भित्रै चालक र सह–चालकले बालिकालाई जबरजस्ती करणी गरेका थिए ।
त्यसपश्चात बालिकालाई त्यही छाडेर उनिहरु फरार रहेका थिए । अनुसन्धानको क्रममा मंगलबार धुलिखेलबाट ट्रकसहित चालक र सह–चालकलाई नियन्त्रणमा लिइएको डिएसपी खतिवडाले बताए ।
जिल्ला अदालत काभ्रेबाट म्याद थप अनुमति लिइ आवश्यक अनुसन्धान भइरहेको प्रहरीले जनाएको छ ।
