नेपालगञ्ज : आज बुधवार ५५ औं अन्तर्राष्ट्रिय साक्षरता दिवस मनाईंदैछ । ‘मानव केन्द्रित पुनर्लाभका लागि साक्षरता, प्रविधि प्रयोगको असमानतामा न्यूनता’ भन्ने नाराका साथ दिवस मनाईंदै गर्दा बाँके जिल्ला भने साक्षर हुन सकेको छैन् ।
नेपालका ५४ जिल्ला साक्षर भइसक्दा समेत बाँके जिल्ला साक्षर हुन नसकेको हो । बाँकेका चारवटा पालिका साक्षर घोषणा भइसकेका छन् । तर नेपालगञ्ज उपमहानगरपालिका, डुडुवा, नरैनापुर र बैजनाथ गाउँपालिका साक्षर हुन नसक्दा जिल्लालाई साक्षरता घोषणा गर्न नसकिएको हो ।
स्थानीय तहले प्राथमिकता नराखेका कारण साक्षरता घोषणा गर्न चुनौति बन्दै गएको शिक्षा विकास तथा समन्वय इकाइ कार्यालय बाँकेका प्रमुख रामसुरेश यादवले बताए ।
लुम्बिनी प्रदेशको बाँकेसहित कपिलबस्तु, कर्णाली प्रदेशकको मुगु, जुम्ला, हुम्ला, कालिकोट, डोल्पा त्यस्तै सुदुरपश्चिम प्रदेशको कैलाली, कञ्चनपुर, डोटी, बाजुरा र बझाङ जिल्ला साक्षर घोषणा हुन बाँकी छन् ।
