नेपालगञ्ज : कोरोना संक्रमणबाट बाँकेमा थप एक जनाको मृत्यु भएको छ । भेरी अस्पताल नेपालगञ्जमा शुक्रबार कोरोना संक्रमणबाट एकजनाको मृत्यु भएको हो ।
त्रिवेणी गाउँपालिका–७ रोल्पाका ५५ वर्षीय पुरुषको उपचारका क्रममा मृत्यु भएको जिल्ला कोभिड व्यवस्थापन केन्द्रका फोकल पर्सन तेज वलीले जानकारी दिए । उनलाई विहीबार भाइरस संक्रमण पुष्टि भएको थियो । उनी बिहीबार नै भेरीमा भर्ना भएका थिए ।
तर उपचारका क्रममा विहान करिव १० बजे उनको मृत्यु भएको हो । योसँगै बाँकेमा उपचारका लागि आएका बाहिरी जिल्लाका ३ सय ९८ जनाको मृत्यु भएको छ ।
