नेपालगञ्ज : पाँच महिनाअघि हराएका तीन बच्चालाई भारतमा फेला पारेर कोहलपुर ल्याइएको छ । कोहलपुर नगरपालिका–४ बेलनपुरका नौ वर्षीय रोशन बादी, सात वर्षीय विशाल बादी र पाँच वर्षीया पूजा बादी पाँच महिना अघि हराएका थिए ।
उनीहरु नेपालगञ्ज, भारतको रुपइडिहा हुँदै बरेली पुगेका थिए । सडकमा हिँडिरहेका बच्चालाई महिला विभाग, बरेलीको टोली फेला पारेर अनाथलयमा पठाइदिएको थियो । लकडाउनका बेलामा हराएका ती बच्चाको खोजीका लागि वडाध्यक्ष तिरथराम थारु बरेली पुग्नुभयो ।
रुपन्देहीको मानव कल्याण मित्र मञ्चको सहयोगमा वडाध्यक्ष थारुले बच्चालाई कोहलपुर लिएर आउन सफल भएका हुन् ।
