नेपालगञ्ज : व्याटमिन्टन प्रतियोगितामा पाल्पाकी दिया शाक्यलाई पराजित गर्दै बाँकेका सुष्मा श्रेष्ठ फाइनलमा प्रवेश गरेकी छन् । सोमवार भैरहवामा भएको प्रदेशस्तरीय खेल व्याटमिन्टन प्रतियोगितामा पाल्पाकी शाक्यलाई सोझो सेटमा पराजित गर्दै बाँकेकी श्रेष्ठ फाइनलमा प्रवेश गरेकी हुन् ।
आईतवारदेखि जारी सिंगल व्याटमिन्टन प्रतियोगितामा शाक्यलाइ सोझो सेटले पराजित गर्दै फाइनलमा प्रवेश गरेको बाँकेका व्याटमिन्टन प्रशिक्षक जयन श्रेष्ठले जानकारी दिए ।
उनका अनुसार व्याटमिन्टन प्रतियोगिताको फाइनल खेल आजनै हुने छ । सोमवार भएको प्रदेशस्तरीय व्याटमिन्टन, कबड्डी र फुटबल खेलमा बाँकेले जित हासिल गरेको छ । प्रदेशस्तरीय खेल छनोट प्रतियोगितामा बिजेता टिम वा व्यक्तिले ९औं राष्ट्रिय खेलकुद पोखरामा हुने प्रतियोगितामा भाग लिने छन् ।
