नेपालगञ्ज : बाँकेमा आज थप १५ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा २४२ नमुना जाँच गर्दा थप १५ जना संक्रमित थपिएको जिल्ला कोभिड–१९ संकट व्यवस्थापन केन्द्रले जनाएको छ ।
नेपालगन्ज स्थित भेरी अस्पतालको प्रयोगशालामा १२३ नमुना परीक्षण गर्दा ११ जना, मेडिकल कलेजको प्रयोगशालामा ८२ नमुना परीक्षण गर्दा २ जना र बागेश्वरी ल्याबमा ३७ नमुना परीक्षण गर्दा २ जनामा संक्रमण पुष्टि भएको हो ।
आज थपिएका संक्रमित मध्य ५ जना मात्र जिल्लाका छन् । हालसम्म जिल्लामा ८७ हजार ७४६ नमुनाको पीसीआर परीक्षण सम्पन्न भईसकेको छ । संक्रमणबाट निको भएर थप ६ जना डिस्चार्ज भएका छन् ।
त्यस्तै गएको २४ घण्टामा कोभिड संक्रमणकै कारण जिल्ला बाहिरबाट उपचारका लागि आएका १ जनाको मृत्यु भएको छ ।
