बैजनाथ (बाँके) : कोरोना महामारीका कारण बाँकेको बैजनाथ गाउपालिका वडा नं. १ का आयआर्जनमा समस्या परेका समुदायलाई राहत वितरण गरिएको छ ।
बाँके राष्ट्रिय निकुञ्जको पहलमा जुलोजिकल सोसाईटी अफ लण्डन, बाँके बर्दिया कम्प्लेक्सको आर्थिक सहयोग तथा देउराली हरियाली मध्यवर्ती क्षेत्र उपभोक्ता समितिको आयोजनामा सो राहत वितरण गरिएको हो ।
मध्यवर्ती क्षेत्रमा संरक्षणमा आवद्ध विपन्न २६ घर परिवारले राहत प्राप्त गरेका छन् । २६ घर परिवारले महिना दिन सम्म खान पुग्ने गरी खाद्यन सामाग्री वितरण गरिएको समितिका सचिव लोकन्द्र खत्रीले गराएका छन् । राहत वितरणमा बैजनाथ गाउँपालिका वडा न १ का अध्यक्ष रुपबहादुर मल्ल लगायत स्थानीय नेताहरुको समेत सहभागिता रहेको थियो ।
