बी–ग्रुपद्वारा अक्सिजन कन्सट्रेटरलगायतको स्वास्थ्य सामाग्री हस्तान्त्रण

सदरलाइन संवाददाता १० जेष्ठ २०७८, सोमबार १८:४१
 


नेपालगञ्ज : जिल्ला कोभिड–१९ संकट व्यवस्थापन केन्द्र बाँकेलाई करिव २५ लाख बराबरको अक्सिजन कन्सन्ट्रेटर लगायतका स्वास्थ्य सामग्री उपलब्ध भएकोे छ । युके एडको आर्थिक सहयोग, सेभद चिल्ड्रेनको कन्र्सोटीयम लिडमा केयर नेपाल र भेरी बाताबरणिय विशिष्ठता समुह बि–ग्रुपको साझेदारीमा विभिन्न स्वास्थ्य सामाग्री उपलब्ध भएको हो ।

बि–ग्रुपका निर्देशक डम्बर सुनारले केयर नेपालसंगको साझेदारीमा अक्सिजन कन्सन्ट्रेटर ४ थान, हातधुने सावुन, पल्स अक्सिमिटर, डेथबडी ब्याग, डिस ईन्फेक्सन पाउडर, पिफोम, सर्जिकल मास्क एन९५ मास्क, हेण्ड सेनिटाइजर, आईसोलेशन किट, महिला पुरुष, डिग्नीटी किट लगायतको २४ लाख ६१ हजार ६ सय ६१ रुपैया बराबरको सामाग्री हस्तान्त्रण गरिएको जानकारी दिए ।

बाँकेमा कोरोना संक्रमणको दर अप्रत्याशित रुपमा बृद्धि भएपछि कोरोना रोकथाम तथा नियन्त्रणका लागि विभिन्न सहयोगी निकायले सहकार्य गर्दै आएको बाँकेका प्रमुख जिल्ला अधिकारी शिवलाल गेलालले जानकारी दिए ।

उनले पछिल्लो समयमा केयर नेपाल र बिग्रुपको साझदारीमा अक्सिजन कन्सन्टेटर ४ थानसहितको स्वास्थ्य सामाग्री उपलब्ध भएको बताउदै महामारी रोकथाम तथा नियन्त्रणको लागि सबै क्षेत्रको सहकार्यले मात्र संभव हुने बताए ।

बाँकेमा बैशाख महिना सुरु भए लगत्तै अप्रत्याशित रुपले बृद्धि भएको कोरोना संक्रमण नियन्त्रणको लागि अक्सिजनको माग अधिक रहेको बेलामा प्राप्त भएको अक्सिजन कन्सन्ट्रेटरले संक्रमितको उपचारमा ठूलो मद्दत पुग्ने विश्वास गरिएको छ । सो अवसरमा सेभद चिल्ड्रेनका कार्यक्रम संयोजक दिपेन्द्र ठकुरी जिल्ला सुरक्षा निकायका प्रमुखहरु लगायतको उपस्थिति रहेको थियो ।

Leave a Reply

Your email address will not be published. Required fields are marked *

Next Post

कोरोनाबाट बाँकेमा १० जनाको ज्यान गयो

१० जेष्ठ २०७८, सोमबार १८:४१
नेपालगञ्ज : कोरोनाबाट बाँकेमा १० जनाको मृत्यु भएको छ । सोमबार दिउँसो ३ बजेदेखि मंगलबार बिहान ७ बजेसम्म जिल्लाभित्र र बाहिरबाट उपचारकालागि आएका १० जनाको मृत्यु भएको जिल्ला कोभिड १९ संकट ब्यवस्थापन केन्द्र बाँकेले जनाएको छ । मृत्यु हुनेमा पाँच जना जिल्लाभित्रका छन भने बाँकी पाँच जना अन्य जिल्लाबाट उपचारकालागि […]