नेपालगञ्ज : बाँकेमा कोरोनाबाट थप ८ जनाको मृत्यु भएको छ ।
भेरी अस्पतालमा उपचाररत ठाकुरबाबा ९ बर्दियाका २५ वर्षीय पुरुष, तुलसीपुर १० दाङकी ३८ वर्षीया महिला, मधुवन ९ बर्दियाकी ७० वर्षीया महिला, पंचपुरी ६ सुर्खेतका ५९ वर्षीय पुरुष, बाँसगढी ६ बर्दियाका ८० वर्षीय पुरुष र नेपालगञ्ज ६ की ४० वर्षीया महिलाको कोरोनाबाट मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीले बताए ।
त्यस्तै नेपालगञ्ज मेडिकल कलेज कोहलपुरमा उपचाररत भिमदत्त ३ कञ्चनपुरकी ५५ वर्षीया महिला र कोहलपुर ९ बाँकेकी ४५ वर्षीया महिलाको पनि मृत्यु भएको छ ।
योसंगै कोरोनाबाट बाँकेका २३९ जनाको मृत्यु भएको छ भने बाहिरी जिल्लाका १९० जनाको मृत्यु भएको छ ।
