कोहलपुरमा कोरना परीक्षणको लागि ३० जनाको स्वाब संकलन

२८ बैशाख २०७७, आईतवार २१:३२
 

सदरलाइनडटकम,
कोहलपुर (बाँके) : कोबिड–१९ नोबल कोरोनाको संक्रमण परीक्षणको लागि बाँकेको कोहलपुरमा पहिलो पटक ३० जनाको स्वाब संकलन गरिएको छ ।

जिल्ला स्वास्थ्य कार्यालय बाँके र नगर स्वास्थ्य शाखा कोहलपुरको टिमले कोहलपुर नगरपालिका–४ बेलनपुरमा आईतबार क्याम्प संचालन गरेर स्वाब संकलन गरेको हो । कोहलपुर नगरपालिका वडा नं. ४, ८ र ९ का धर्मगुरु, विदेशबाट आएका नागरिकको स्वाब संकलन गरिएको थियो ।

कोहलपुर–४ मा रहेको मदरसा हिमालय गरिव नवाज प्राविमा क्याम्प संचालन गरी स्वाब संकलन गरिएको कोहलपुरमा नगर स्वास्थ्य शाखाका प्रमुख डिल्लीराज पोखरेलले जानकारी दिए ।

संकलन गरिएका स्वाब नेपालगञ्ज स्थित भेरी अस्पताल मै चेकजाँच गरिने भएको छ । कोरोना भाईरसको उच्च जोखिममा कोहलपुुर नगरपालिका रहेकाले स्वाब संकलन गरिएको कोहलपुर नगरपालिकाकी उपप्रमुख सञ्जु कुमारी चौधरीले जानकारी दिईन् ।

बाँकेको नेपालञ्जमा कोरोना भाईरसका २४ जना संक्रमित पुष्टि भएसँगै कोहलपुरमा पहिलोपटक ३० जनाको स्वाब संकलन गरिएको हो ।

Next Post

बाँकेमा एकसय आठ जनाको स्वाब संकलन

२८ बैशाख २०७७, आईतवार २१:३२
सदरलाइनडटकम, नेपालगञ्ज : बाँकेमा सोमवार एक सय आठ जनाको थ्रोट स्वाब संकलन गरिएको छ । नेपालगञ्ज उपमहानगरपालिका १६ जयसपुरबाट ८२ र खजुराबाट १४ जनाको स्वाब संकलन थ्रोट स्वाब संकलन गरिएको छ । यस्तै आर्मी अस्पताल र भेरी अस्पतालबाट ६÷६ गरी एक सय आठ जनाको नमुना संकलन गरिएको हो । कोरोना […]