धनगढी : सुदूरपश्चिम प्रदेशको वातावरण संरक्षण सम्बन्धी कानूनलाई संशोधन र एकीकरण गर्न बनेको अध्यादेश प्रदेश सभाबाट बहुमतले स्वीकृत भएको छ ।
आज बसेको प्रदेश सभाको बैठकमा अध्यादेश बहुमतले स्वीकृत भएको हो । उद्योग, पर्यटन, वन तथा वातावरणमन्त्री माया भट्टले प्रदेश सभाबाट अध्यादेश स्वीकृत गरियोस भन्ने प्रस्ताव सभामा पेश गरेकी थिइन् ।
बैठकमा प्रतिपक्षीले अध्यादेश स्वीकृत गर्न नहुने भन्दै विपक्षमा आफ्नो मत जाहेर गरेका थिए । प्रस्ताव स्वीकृत हुनु पर्ने पक्षमा बहुमत भएको भन्दै सभामुख अर्जुनबहादुर थापाले बहुमतले अध्यादेश स्वीकृत भएको घोषणा गरे ।
