नेपालगञ्ज : पछिल्लो २४ घण्टामा देशभर थप ३ हजार ७ सय ९० जनामा कोरोना पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएअनुसार सोमवार देशभर २ हजार ३ सय ३५ जना संक्रमित कोरोनामुक्त भएका छन् ।
नेपालमा हाल ४० हजार ७ सय ७८ जना सक्रिय संक्रमित छन् । जसमध्ये १३ हजार ८ सय ५१ जना संस्थागत आइसोलेशनमा छन् भने बाँकी २६ हजार ९ सय २७ जना होम आइसोलेशनमा बसेका छन् । त्यस्तै क्वारेन्टाइनमा रहनेहरूको संख्या ४ हजार ४ सय ७० छ ।
पछिल्लो २४ घण्टामा १५ हजार ७ सय १४ जनाको पिसिआर परीक्षण गरिएको प्रवक्ता गौतमले बताए । हालसम्म कुल संक्रमितको संख्या १ लाख ३६ हजार ३६ पुगेको छ ।
