कैलाली : धनगढीमा हत्या गरेको अवस्थामा भेटिएका प्रहरी सहायक निरीक्षक गोबिन्द बिकका परिवारले शव बुझेका छन् । जिल्ला प्रहरी कार्यालय कैलालीले मृतकका परिवारले शव बुझेको जनाएको छ । उनको सोमवारनै अन्त्येष्टि गरिएको छ ।
धनगढी उपमहानगरपालिका वडा नम्बर १२ को अस्थायी प्रहरी पोष्टका इञ्चार्ज विकको धारिलो हतियार प्रहार गरी नदीमा फालेको अवस्थामा शव भेटिएको थियो । सँगै गस्तीमा गएका प्रहरी जवान टेकवहादुर साउँदको अवस्था भने अझै अज्ञात रहेको छ ।
धनगढीमा असईको हत्या घटनाको अनुसन्धानका लागि डिएसपीको नेतृत्वमा सिआईबीको टोली परिचालन गरिएको छ ।
