नेपालगञ्ज : बाँकेबाट २६ जना कोरोनामुक्त भई डिस्चार्ज भएका छन् । विभिन्न आइसोलेशनमा रहेका १४ महिला १२ पुरुष कोरोनामुक्त भई बुधवार डिस्चार्ज भएका हुन् ।
बाँकेमा हालसम्म २ हजार ५ सय २६ जनामा कोरोना पुष्टि भएको छ भने १ हजार ८ सय ९९ जना निको भएर डिस्चार्ज भएको जिल्ला कोभिड–१९ संकट व्यवस्थापन केन्द्र बाँकेका कोरोना फोकल पर्सन नरेश श्रेष्ठले जानकारी दिए ।
हाल जिल्लाको आइसोलेशनमा बाँकेका ६ सय १ र अन्य जिल्लाका २१ गरी ६ सय २२ जना उपचाररत रहेको श्रेष्ठले बताए ।
