कोहलपुर (बाँके) : बाँकेको कोहलपुर नगरपालिका र मातहतका सबै वडाकार्यालयहरु आगामी कात्तिक ६ गतेसम्मकालागि शील गरिएको छ । नगरपालिका कार्यालयमा कार्यरत केही कर्मचारीहरुमा कोरोना संक्रमण देखिएको भन्दै नगरपालिकाको कार्यालय, १५ वटै वडा कार्यालय र विषयगत कार्यालयहरु शील गरिएको नगरपालिकाले जनाएको छ ।
कोहलपुर नगरपालिकाका मेयर लुटबहादुर रावतको अध्यक्षतामा बुधवार बसेको आकस्मिक बैठकले बुधवारदेखि आगामी कात्तिक ६ गतेसम्म्कालागि नगरपालिका मातहतका सबै कार्यालय बन्द गर्ने निर्णय गरेको कोहलपुर नगरपालिकाका प्रमुख प्रशासकीय अधिकृत छविलाल नेपालीले जानकारी दिए ।
नेपालीद्वारा जारी सूचनामा अत्यावश्यक सेवाबाहेक विषयगत शाखाउपशाखा र सम्पूर्ण वडा कार्यालयहरुबाट प्रवाह भईरहेका सेवाहरु कात्तिक ६ गते सम्मकालागि बन्द गरिएको उल्लेख छ ।
