नेपालगञ्ज : बाँकेका २३ सहित ३२ जनामा कोरोना संक्रमण पुष्टि भएको छ । भेरी अस्पताल नेपालगञ्जमा गरिएको परीक्षणमा बाँकेका २३ र अन्य जिल्लाका ९ गरी ३२ जनामा संक्रमण पुष्टि भएको हो ।
भेरी अस्पतालले बुधवार बेलुका सार्वजनिक गरेको विवरणअनुसार पछिल्लो २४ घण्टामा २ सय १ जनाको कोरोना परीक्षण गरिएकोमा ३२ जनामा संक्रमण देखिएको हो ।
भेरी अस्पतालका अनुसार हालसम्म ४२ हजार १ सय ७८ जनाको परीक्षण गरिएकोमा २ हजार ७ सय ६९ जनामा संक्रमण देखिएको छ ।
