नेपालगञ्ज : भारतबाट अवैधरुपमा नेपालगञ्ज भित्र्याउँदै गरेको विभिन्न सामग्री सशस्त्र प्रहरीले बरामद गरेको छ ।
बिओपी नेपालगञ्जबाट सशस्त्र प्रहरी नायव निरीक्षक कमलविक्रम रेउलेको नेतृत्वमा गएको टोलीले नेपालगञ्ज वडा नं. १५ टंगपसरी गाउँबाट ९० हजार ४ सय बढीको बिभिन्न सामग्री बरामद गरेको हो ।
भारतबाट नेपालतर्फ अवैधरुपले भित्र्याइएको मोटरसाइकलका पार्टस, जुत्ता, पेन्ट, कपडा, खाद्यान्नलगायतको सामान दशगजा नजिकबाट बरामद गरिएको सशस्त्र प्रहरीले जनाएको छ । बरामद गरिएको सामान आवश्यक कारबाहीका लागि नेपालगञ्ज भन्सार कार्यालयमा बुझाइएको छ ।
