नेपालगञ्ज : बाँकेमा शनिवार एकैदिन ५० जना कोरोनामुक्त भई डिस्चार्ज भएका छन् । भूमिसुधार तथा मालपोत कार्यालयका लेखा अधिकृतसहित ५० जना कोरोनामुक्त भई डिस्चार्ज भएका हुन् ।
उनिहरु भदौ २७ गते कोरोना संक्रमण देखिएपछि विभिन्न आइसोलेशनमा बस्दै आएका थिए । योसँगै बाँकेमा कोरोना संक्रमणबाट निको हुनेको संख्या १ हजार ४ सय ११ पुगेको छ ।
अब जिल्लाका विभिन्न आइसोलेशन केन्द्रमा अन्य जिल्लाका ७ जना गरी ३ सय ५८ जना संक्रमित उपचाररत रहेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
