नेपालगञ्ज : बाँकेमा आइतवार थप २४ जना कोरोनामुक्त भई डिस्चार्ज भएका छन् । स्वास्थ्य कार्यालय बाँकेका फोकल पर्सन नरेश श्रेष्ठका अनुसार सशस्त्र प्रहरी बल औद्योगिक सुरक्षा गुल्म नेपालगञ्ज कारकादोका १६ जना सशस्त्र प्रहरी, ग्लोबल आइएमई बैंकका ३ कर्मचारी, खजुराका १ र कोहलपुरका ४ गरी २४ जना डिस्चार्ज भएका हुन् ।
साउन ३२ गते कोरोना संक्रमण पुष्टि भएपछि उनिहरुलाई बिभिन्न आईसोलेशनमा राखेर उपचार गरिएको थियो । आईसोलेशनमा १४ दिन बिताएका र कोरोना सम्बन्धि कुनै लक्षण नदेखिएका ब्यक्तिहरुलाई मात्र डिस्चार्ज गरिएको श्रेष्ठले बताए ।
बाँकेमा हालसम्म ९ सय ९० जनामा कोरोना संक्रमण पुष्टि भएको छ । जसमध्ये, ६ जनाको मृत्यु भइसकेको छ । योसँगै बाँकेमा ७ सय २७ जना कोरोनामुक्त भई डिस्चार्ज भइसकेका छन् भने अब विभिन्न आइसोलेशनमा २ सय ५७ जना संक्रमित उपचाररत रहेको स्वास्थ्य कार्यालयले जनाएको छ ।
