सदरलाइनडटकम,
नेपालगञ्ज : कोरोना भाइरस (कोभिड १९) बाट नेपालमा मृत्यु हुनेको संख्या ४० पुगेको छ । विश्वमा कोरोना संक्रमणको कारण ५ लाख ९२ हजार ७ सय ४५ जनाको मृत्यु भएको छ ।
पछिल्लो समय वीपी कोइराला स्वास्थ्य विज्ञान प्रतिष्ठान धरानमा उपचाररत सप्तरी राजविराज नगरपालिका–१ घर भएका ७३ वर्षीय वृद्धको मृत्यु भएपछि नेपालमा मृतक संख्या ४० पुगेको हो । यसअघि बाँकेमा दुई जनाले ज्यान गुमाएका छन् ।
प्रतिष्ठानका प्रवक्ता डा. निदेश सापकोटाका अनुसार मधुमेह, उच्च रक्तचाप र मुटु रोगको उपचारका लागि भर्ना भएका वृद्धको अस्पतालको आइसोलेसनमा राखेर उपचार गर्ने क्रममा बिहीबार मृत्यु भएको खबर शुक्रबारको अनलाइनखबर डटकमले प्रकाशित गरेको छ । बुधबार स्वाब संकलन गरेर सोही दिन कोरोना रिपोर्ट पोजेटिभ आएको थियो ।
