नेपालगञ्ज : केही दिन शान्त रहेको नेपालगञ्जमा चोरीको घटना फेरी शुरु भएको छ । नेपालगञ्ज उपमहानगरपालिका वडा नं. ४ बसपार्क नजिकै एक घरमा बुधवार राती लाखौंको चोरी भएको छ । बसपार्क पछाडि रहेको भिम तिमिल्सेना बस्दै आएको घरमा चोरी भएको हो ।
३ तोला सुन र बिमा रकमको किस्ता बापत उठेको २ लाख नगद गरि ५ लाख बढीको धनमाल चोरी भएको तिमिल्सेनाले बताए । स्थाई घर कैलाली भएका तिमिल्सेना श्रीमती र १ छोरासंग नेपालगञ्जमा बस्दै आएका छन् ।
‘लकडाउनका बेला शहरमा बस्दा बढी खर्चलाग्ने हुनाले हामी घर गएका थियौं’, उनले भने । तर, हिजो एक्कासी छिमेकीले फोन गरेर चोरीबारे जानकारी दिनुभयो,’ ‘हामी कैलालीबाट नेपालगञ्ज आईपुग्दासम्म प्रहरीले मुचुल्कासमेत उठाईसकेको थियो ।’ आफुहरुले चोरी कहिले भयो भन्ने थाहासमेत नपाएको उनले बताए ।
