नेपालगञ्ज : बाँकेमा बुधवार थप १३ जनामा कोरोना संक्रमण पुष्टि भएको छ । भेरी अस्पताल नेपालगञ्जमा पछिल्लो २४ घण्टामा गरिएको परीक्षणमा बाँकेका १३ र बर्दियाका २ गरी १५ जनामा कोरोना संक्रमण पुष्टि भएको हो ।
नयाँ थपिएका संक्रमितमध्ये ८ जना कोहलपुरका, ३ जना नेपालगञ्जका तथा राप्तीसोनारी र बैजनाथ गाउँपालिकाका एकएक जना रहेका छन् । यस्तै बर्दियाको मधुबनका २ जनामा संक्रमण देखिएको भेरी अस्पतालले जारी गरेको सूचनामा उल्लेख छ ।