नेपालगञ्ज : नेपालगञ्ज उपमहानगरपालिकाले अपांगता भएका ब्यक्तिहरुलाई विभिन्न सामग्री उपलब्ध गराएको छ । उपमहानगरपालिकाको कार्यालयमा मंगलवार मेयर डा. धवलशम्शेर राणा, उपमेयर उमा थापा मगर, प्रमुख प्रशासकीय अधिकृत ओमवहादुर खड्कालगायतले सामग्री वितरण गरे ।
उपमहानगरपालिकाका स्वास्थ्य शाखा प्रमुख रामवहादुर चन्दका अनुसार शारीरिक अपांगता भएका ८ जनालाई ट्राईसाईकल र १६ जना दृष्टिविहिनलाई सेतोछडी वितरण गरिएको हो । सो अवसरमा मेयर राणाले अपांगता भएका ब्यक्तिहरुलाई उपमहानगरपालिकाले आगामी दिनमा समेत सक्दो सहयोग गर्ने विश्वास दिलाए ।
