नेपालगञ्ज : बाँकेमा बसको ठक्करबाट मोटरसाइकल चालकको मृत्यु भएको छ ।
नेपालगञ्जको कारकाँदोस्थित होटेल सिद्धार्थ भ्यु नजिकै सुर्खेतरोडमा सोमवार राती पौने १० बजे भारतको दिल्लीबाट दाङ जाँदै गरेको लु.२ ख. २१४२ नम्बरको यात्रुबाहक बसले ठक्कर दिँदा युपी ४० एजे ७२३३ नम्बरको मोटरसाइकलमा सवार भारत बहराइचका ३० वर्षीय अनिल कुमार गम्भीर घाइते भएका थिए । उनको उपचारका क्रममा मृत्यु भएको हो ।
कुमारको नेपालगञ्ज मेडिकल कलेज शिक्षण अस्पताल नेपालगञ्जमा मंगलवार विहान मृत्यु भएको हो । मोटरसाइकललाई बसले बाटो काट्ने क्रममा ठक्कर दिएको प्रहरीले जनाएको छ । चालक प्रहरीको नियन्त्रणमा छन् ।
