सदरलाइनडटकम,
नेपालगञ्ज : बाँकेको नेपालगञ्ज उपमहानगर, डुडुवा र नरैनापुर गाउपालिका कोरोना मुक्त भएका छन् । जिल्ला स्वास्थ्य कार्यालय बाँकेका फोकलपर्शन नरेश श्रेष्ठले दिएको जानकारी अनुसार बुधबार (आज) बिहानसम्म नेपालगञ्ज, डुडुवा र नरैनापुरमा कोरोना संक्रमित नभएको बताए ।
जिल्ला स्वास्थ्य कार्यालय बाँकेका फोकलपर्शन श्रेष्ठले दिएको जानकारी अनुसार बुधबार (आज) सम्म कोहलपुर नगरपालिकाका १०, खजुरा गाउपालिका ४, राप्तीसोनारी २, जानकी र बैजनाथ गाउपालिकामा १–१ जना गरी १८ जना संक्रमित रहेका छन् ।
बुधबार बैजनाथको बनकटवा आईशोलेशनबाट ७ र कोहलपुरको पिपरीबाट २ जना गरी ९ जना कोरोना संक्रमण मुक्त भएर घरफर्केका छन् ।
उनले बाँकेमा ४ वटा आईशोलेशन सञ्चालनमा रहेको जानकारी दिए । अन्य ८ वटा आईशोलेशन सेन्टर खाली रहेका छन् । बाँकेमा अझै पनि २ सय १५ जना विभिन्न क्वारेन्टाईनमा रहेका छन ।
बाँकेमा हालसम्म ३ सय ६८ संक्रमित रहेकोमा ३ सय ४८ संक्रमण मुक्त भएर घर फर्केका छन भने दुईजनाको संक्रमणको कारण मृत्यु भएको छ ।
