नेपालगञ्ज : बाँकेमा आइतबार (आज) ४६ जनाले कोरोना संक्रमण मुक्त भएर घर फर्कने भएका छन् ।
स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार आज (आइतबार) वडा प्रहरी कार्यालय नेपालगञ्जका ४१ जना, नेपालगञ्ज उपमहानगरका ४ जना र कोहलपुरका १ जना गरि ४६ जना कोरोना संक्रमण मुक्त भएर घर फर्कदैं छन ।
आइतबारसम्म बाहिरी जिल्लाका समेत ८ सय २१ जनालाई कोरोना संक्रमण देखिएकोमा ६ सय १४ जना संक्रमण मुक्त भई डिस्चार्ज भईसकेका छन ।
कोरोना फोकलपर्शन श्रेष्ठले बाँकेका बिभिन्न आईसोलेशन सेन्टरमा अझैं पनि २ सय ३ जनाको उपचार भईरहेको जानकारी दिए । बाँकेमा कोरोना संक्रमणको कारण ४ जनाले ज्यान गुमाएका छन् ।
