सदरलाइनडटकम,
नेपालगञ्ज : बाँकेमा कोबिड–१९ नोबल कोरोनाका संक्रमितको संख्या बृद्धि हुँदै गएपछि मनकारी सहयोगी हातहरुले कोरोना संक्रमितलाई राख्नको लागि आईशोलेशनमा आवश्यक मेडिकल मेटे«क्स सहयोग गरेका छन् ।
नेपालगञ्जका समाजसेवी तथा व्यावसायी सेम शाक्य, बिजय गुप्ता, अजय गुप्ता, प्रदीप कुमार छाजेड, र सञ्जय जैनले खजुरा गाउपालिकाले निर्माण गर्न लागेको आईसोलेशन सेन्टरको लागि २५ थान मेटे«क्स उपलब्ध गराएका हुन ।
नेपालगञ्जमा एक कार्यक्रमको आयोजना गरी खजुरा गाउपालिकाका अध्यक्ष किस्मत कुमार कक्षपतिलाई उनीहरुले हस्तान्त्रण गरेका हुन । प्रति मेटे«क्स ३ हजार ५ सयको २५ थानको ८७ हजार ५ सय मुल्य रहेको छ ।
बाँकेमा आज मंगलबार पुष्टि भएका १७ जना समेत गरी २१३ जना कोरोना संक्रमित रहेका छन । ती मध्ये २९ जनाले कोरोना जितेर घर फर्केका छन भने एक जनाको मृत्यु भएको छ । यसैगरी आईसोलेसनमा १ सय ९२ जना रहका छन् । हालसम्म ३ हजार ८ सय १ को पिसिआर जाँच भएको छ भने २ हजार ५ सय ८९ को आरडिटी जाँच गरिएको छ ।
