नेपालगञ्ज : नेपालगञ्ज उपमहानगरपालिका वडा नम्बर ५ मा हाइमास्ट जडान गरिएको छ । नेपालगञ्ज उपमहानगरपालिकाका नगर प्रमुख प्रशान्त विष्ट र उपमेयर कमरुद्दिन राईले संयुक्तरुपमा बत्ती बालेर हाइमास्टको उदघाटन गरेका हुन् ।
नेपालगञ्ज उपमहानगरपालिकाले प्रदेश सरकारसँगको सहयोगमा हाइमास्ट जडान गरिरहेको छ । निवर्तमान प्रदेश सांसद सुरेन्द्रबहादुर हमालको पालामा हाइमास्ट जडानको बजेट आएको हो ।
नेपालगञ्जको न्यूरोडसहित शहरका मुख्य ८ वटा चोकमा हाइमास्ट जडान भइरहेको नगर प्रमुख विष्टले बताए । नेपालगञ्जलाई उज्यालो शहरका रुपमा विकास गर्न हाइमास्ट जडान भइरहेको छ । हाइमास्ट जडान भएपछि स्थानीयबासी खुशी भएका छन् ।
