कोरोनाबाट निको भएर बाँकेका २१ जना घर फर्किए

  
  प्रकाशित मितिः शुक्रबार, जेष्ठ ९, २०७७       | 184 Views   ||

सदरलाइनडटकम,
नेपालगञ्ज : बाँकेका २१ जना कोरोनाबाट निको भएर घर फर्किएका छन् । सुशील कोइराला प्रखर क्यान्सर अस्पतालमा उचाररत २१ जनाको तेस्रो पटकको कोरोना रिपोर्ट नेगेटिभ आएपछि उनीहरु घर फर्किएका हुन् ।

योसँगै हालसम्म कोरोना संक्रमणबाट निको भएर घर फर्कनेको संख्या ७० पुगेको छ । यसअघि विभिन्न जिल्लाबाट ४९ जना निको भएर घर फर्किसकेका छन् ।

उनीहरुलाई कोरोना विशेष आइसोलेशन अस्पताल र भेरी अस्पतालका चिकित्सकले फूलमाला र खादा ओढाएर शुक्रवार अस्पतालबाट बिदाई गरेको भेरी अस्पतालका निमित्त मेडिकल सुपरिटेन्डेन्ट डा. प्रकाशबहादुर थापाले बताए ।

नेपालगञ्जमा पहिलो पटक फेला परेका कोरोना संक्रमित ६० वर्षीय पुरुष पनि डिस्चार्ज भई घर फर्किएका छन् ।

उनीसहित नेपालगञ्ज उपमहानगरपालिका–८, जोलाहनपुर्वाका २० जना कोरोना संक्रमित निको भएर घर फर्किएका छन् ।

उक्त अस्पतालमा नेपालगञ्जका २५ जना उपचाररत थिए । बाँकीको समय नपुगेकोले केही दिनपछि कोरोना परीक्षण गरी डिस्चार्ज गरिने डा. थापाले बताए ।

प्रकाशित मितिः शुक्रबार, जेष्ठ ९, २०७७     1:12:50 PM  |
error: Content is protected !!