नेपालगञ्ज : कैलालीमा चोरी गरिरहेको अवस्थामा प्रहरीले चार जनालाई नियन्त्रणमा लिएको छ ।
मंगलबार बिहान करीब तीन बजेको समयमा धनगढी उपमहानगरपालिका १ कैलाली पुल नजिकैको उग्रतारा ट्रेडिङ हाउसमा ताला तोडेर चोरी गरिरहेको अवस्थामा चार जनालाई नियन्त्रणमा लिएको प्रहरीले जनाएको छ ।
धनगढी उपमहानगरपालिका १ शान्तिनगरका लोकेन्द्र सिंह सामन्त, उमेश भन्ने आलोक चौधरी, बाजुरा बुढीगंगा नगरपालिका–८ बस्ने विकास नेपाली र धनगढी उपमहानगरपालिका १ शान्तिनगर बस्ने बिबेक साउदलाई प्रहरीले नियन्त्रणमा लिएको हो ।
उनीहरु विरुद्ध चोरी शिर्षकमा मुद्दा दर्ता गरेर अनुसन्धान भइरहेको प्रहरीले जनाएको छ ।
