नरैनापुरको ७ क्वारेन्टाईनमा ३ सय ३३ जनालाई राखियो

३१ बैशाख २०७७, बुधबार २१:३४
 

सदरलाइनडटकम,
नरैनापुर(बाँके) : कोबिड–१९ नोबल कोरोना भाईरसको सक्रमणबाट जोगिन आव्हान गरिएको लकडाउनको कारण भारतबाट नरैनापुरको सीमा क्षेत्रमा पुगेर अलपत्र परेका करिव साढे तीनसयलाई क्वारेन्टाईनमा राखिएको छ ।

बाँकेको नरैनापुर गाउँपालिकामा भारतबाट आएर सीमामा अलपत्र परेका ३ सय ३३ जनालाई क्वारेन्टाइनमा ल्याएर राखिएको छ । भारतका विभिन्न सहरबाट फर्केका उनीहरुलाई गाउँपालिकाले बनाएको विभिन्न ७ वटा क्वारेन्टाइनमा राखिएको अध्यक्ष इस्तियाक अहमद शाहले जानकारी दिए ।

ठूलो संख्यामा एकैसाथ स्थानीयहरु भारतबाट फर्केपछि क्वारेन्टाइन थपेर उनीहरुको व्यवस्थापन गरिएको अध्यक्ष शाहले बताए । ‘अहिले पनि मानिसहरु आउने क्रम जारी छ, सीमामा आएकाहरुलाई ल्याएर क्वारेन्टाइनमा राखिरहेका छौं, व्यवस्थापन गर्न गाह्रो भइरहेको छ तर पनि यथासक्य गरिरहेका छौ’ं– अध्यक्ष शाहले भने ।

दुई दिनको अवधिमा आएका ३ सय ३३ जना मध्ये ५८ जनालाई वडा नम्बर ६ को भोजपुरस्थित जयकिसान मावि, ६६ जना वडा नम्बर ५ को भगवानपुरस्थित दिपेन्द्र प्रावि, वडा नम्बर ४ को नेरा प्रावि पर्शुरामपुरमा ५७ जना, लक्ष्मणपुरको आदर्श माविमा ७९, नेरा प्रावि शंकरनगर कोटियामा ४० र नरैनापुर ४ को एक मदरसामा ३३ जनालाई राखिएको स्वास्थ्य शाखा उपप्रमुख नागेन्द्र कुमार शाहले जानकारी दिए ।

त्यस्तै यसअघि आएका ३४ जनालाई नेरा प्रावि खोदवाँमा राखिएको छ । ती ३४ सहित ३५ जनाको बुधबार नै पिसिआर विधिबाट परिक्षणका लागि स्वाब पनि लिइएको स्वास्थ्य उपप्रमुख शाहले बताए । उनीहरु बैशाख २० गते भारतबाट आएका थिए ।

Next Post

बाँकेका २५ क्वारेन्टाईनमा ७ सय ४८ जना बस्दै

३१ बैशाख २०७७, बुधबार २१:३४
सदरलाइनडटकम, नेपालगञ्ज  : बाँकेका विभिन्न पालिकामा निर्माण गरिएको क्वारेन्टाईनको संख्या २५ पुगेको छ । बुधबार मात्र नरैनापुर, राप्तीसोनारी, डुडुवामा निर्माण गरीएको क्वारेन्टाइन मा ३७३ जना थपिएको स्वास्थ्य कार्यालय बाँकेले जनाएको छ । स्वास्थ्य कार्यालय बाँकेका फोकलपर्शन नरेश श्रेष्ठले दिएको जानकारी अनुसार बाँकेका विभिन्न क्वारेन्टाइनमा बस्नेको संख्या ७ सय ४८ पुगेको […]