सदरलाइनडटकम,
नेपालगञ्ज : बाँकेमा चार जना कोरोना संक्रमित निको भएर घर फर्किएका छन् । शनिवार दिँउसो खजुरास्थित शुशिल कोइराला प्रखर क्यान्सर अस्पतालमा रहेका संक्रमितहरुलाई घर पठाइएको हो ।
बाँकेको पहिलो कोरोना संक्रमित स्वास्थ्यकर्मी, पत्रकार र प्रहरीसहित चार जना डिस्चार्ज भएको बताइएको छ । नेपालगञ्ज वडा नं. २ निवासी कोरोना संक्रमित स्वास्थ्यकर्मी बाँकेको खजुरामा कार्यरत थिइन् भने पत्रकार उनका श्रीमान् हुन् ।
त्यस्तै गुल्मी घर भएका प्रहरी नरैनापुरमा कार्यरत छन् । उनीसहित नरैनापुरकै थप एक जनालाई डिस्चार्ज गरिएको भेरी अस्पतालकी प्रमुख नर्सिङ बिभाग दुर्गा लक्ष्मी शाकयले जानकारी दिइन् । शनिवार डिस्जार्च भएकाहरुसंगै बाँकेमा कोरोनाबाट निको भएर फर्किनेको संख्या ४६ पुगेको छ ।
कोरोना जीतेर बाँकेमा चार जना डिस्चार्ज
२४ जेष्ठ २०७७, शनिबार १७:०८
