सञ्चारकर्मीलाई राहत प्याकेजमा समेट्न आग्रह

२० चैत्र २०७६, बिहीबार ०९:५९
 

सदरलाइनडटकम,
काठमाण्डौं  : सरकारले कोरोना भाइरसको नियन्त्रण र रोकथामका लागि लकडाउन गरेको अबस्थामा सरकारले विभिन्न समुदाय र बर्गको लागि राहत प्याकेज पनि घोषणा गर्दा श्रमजीवी पत्रकारहरुको बारेमा पनि सोच्न आग्रह गरिएको छ ।

श्रमजीवी पत्रकारहरुको न्युनतम पारिश्रमिक निर्धारण समितिका अध्यक्ष राजेन्द्र अर्यालले एक बिज्ञप्ती जारी गर्दै देश यतिबेला कोरोना भाइरसका कारण गम्भीर संकटमा रहेको अहिलेको खराव र जोखिमपूर्ण अवस्थामा आफ्नो ज्याननै जोखिममा राखेर आम नागरिकलाई सुसूचित गर्ने,यो जोखिमबाट निकास दिलाउनका लागि कार्यस्थलमा अहोरात्र खटिरहेका उनिहरु अहिले फ्रन्टलाईनमा रहेर काम गर्नु पर्ने अवस्था छ र गरिरहेको भएपनि सरकारले घोषणा गरेको राहत प्याकेजमा उनिहरुका सम्बन्धमा केही बोलिएको छैन ।

सरकारले घोषणा गरेको राहत प्याकेजमा श्रमजीवी पत्रकार र आम सन्चारमाध्यम छुटेको हुदा यसका लागि विशेष राहत प्याकेज तत्काल घोषणा गर्न अपिल गर्दै श्रमजीवी पत्रकारहरुको स्वास्थ सुरक्षाका लागि पनि सरकारले आवश्यक ध्यान दिदै कार्यस्थलमा खटिएका श्रमजीवी पत्रकारहरुको स्वास्थ्य सुरक्षा लगाएतका विषयमा सम्बन्धित आमसन्चार प्रतिष्ठान थप गम्भीर बन्न र आबश्यक प्रबन्ध मिलाउन अनुरोध गरिएको छ ।

यसैगरी यो संकटपुर्ण घडीमा कतिपय श्रमजीवी पत्रकारहरुले समयमै पारिश्रमिक नपाउदा आर्थिक समस्या झेल्नुपरेको गुनासो आएकोले सम्बन्धित आमसन्चार प्रतिष्ठानका ब्यबस्थापनलाई यो घडीमा मानवीय हिसाबले समेत समस्याको समाधान गर्न आग्रह गरिन्छ ।

त्यस्तै गरि चरा र पखेटाका रुपमा रहेका आमसन्चार माध्यम र श्रमजीवी पत्रकारहरुका लागि विशेष आर्थिक राहत प्याकेजको घोषणा गर्न सरकारसङ्ग आग्रह गर्दै सरकारले आमसन्चार उधोगलाई सरकारको प्राथमिकतामा राखी सेवा उद्योगका रुपमा मान्यता दिई नविकरण र कर छुटको ब्यबस्था मिलाउन जरुरी छ ।

अहिले खासगरी मोफसल र श्रमजीवीहरुले संचालन गरेका स्वरोजगार मुलक र साना लगानी का मिडिया थप आर्थिक संकटमा छन । उनिहरुका लागि पनि राज्यका तर्फबाट ठोसआर्थिक राहतको जरुरी छ ।

साथै यो संवेदनशिल अवस्था मा कार्य क्षत्रमा खट्ने सबै श्रमजीवी पत्रकारलाई आत्म सुरक्षा प्रती सतर्कता र सवधानी अपनाउन अपिल गर्दै यो विषम परिस्थितिको बेलामा हामी सबै सहकार्य गर्दै जिम्मेवारी पुर्वक संकटको सामना गर्नुको विकल्प छैन ।

तसर्थ यो घडीमा आमसन्चार र श्रमजीवी पत्रकार थप जिम्मेवार र संबेदनशिल बन्दै सत्य तथ्य, सकारात्मक र जनता आतन्कित बनाउने नभई जिम्मेवार एबम आशा जगाउने समाचार सप्रेषित आग्रह गरिएको छ ।

Next Post

नाकामा फँसेका नेपालीहरुद्वारा नाराबाजी

२० चैत्र २०७६, बिहीबार ०९:५९
सदरलाइनडटकम, नेपालगञ्ज : नेपाल भारत सीमास्थित नेपालगञ्ज नाकामा पाँच दिनदेखि अलपत्र परेका नेपालीहरुले स्वदेश फर्कन पाउनुपर्ने माग गर्दै नाराबाजी गरेका छन् । नेपाल र भारतका सुरक्षा अधिकारीको छलफलपछि नेपाली नागरिकलाई भारतीय सुरक्षा निकायले भारतमै क्वारेन्टाईनमा राख्ने सहमति जनाएपनि नेपाली नागरिकहरुले कुनैपनि हालतमा भारतीय क्वारेन्टाईनमा नजाने र आफ्नो देशमा प्रवेश गर्न […]