नेपालगञ्ज : बाँकेका नरेन्द्रकुमार चौधरी र कालिकोटका प्रेमबहादुर महतराबीच हिन्दू धार्मिक परम्परा अन्तरगत मितेरी सम्बन्ध गाँसिएको छ । बाँके डुडुवा गाउँपालिकाका अध्यक्ष समेत रहेका चौधरी र कालीकोटका व्यवसायी महतराले विधिपुर्वक विशेष पुजाआजा गरि मित लगाएका हुन । नेपालगञ्ज बागेश्वरी मन्दिरमा उनीहरु दुबै जनाले बुधबार (आज) पुजापाठ गरि मित लगाएर आत्मिय साथी बनेका हुन ।
मितेरी साईनो गाँसेपछि शुभकालिका–८ कालिकोटका ५६ वर्षिय महतराले भने–‘म चौधरी जीलाई करिब १५ वर्षदेखि चिन्छु, धेरै पटक भेटघाट भएको छ, म एउटा राम्रो साथीको खोजीमा रहेको थिए । तर चौधरीबाट म प्रभावित भएर सम्वन्धको नाता जोडेको छु ।’
मितेरी सम्बन्धमा जोडिएका चौधरीले आफुलाई पहिलो पटक साथीको प्रस्ताव आएपछि सहज रुपमा स्वीकार गरेको प्रतिक्रिया दिए । मित जोडिएका दुबै जनाले साथीको नाता जीवन्त बनाउने प्रतिबद्धता गरेका छन ।
