नेपालगञ्ज : एमाले निकट नेपाल मुस्लिम इत्तेहाद संगठनको केन्द्रीय अधिवेशन २०८२ बैशाख २१–२२ नेपालगञ्जमा आयोजना गरिने भएको छ ।
सम्मेलनको तयारीका विषयमा जानकारी दिन आयोजित पत्रकार सम्मेलनमा संगठनका ईन्चार्ज तथा एमाले केन्द्रीय सदस्य मो हारुण हल्वाईले नेपाली मुस्लिम समुदायको पहिचान र अधिकार प्राप्तिको लागि नेकपा एमालेको जनवर्गीय संगठनको रुपमा २०४८ सालमा स्थापित भएको नेपाल मुस्लिम इत्तेहाद संगठन विभिन्न खाले आरोह अवरोहपार गर्दै पार्टीको सिद्धान्त, नीति, विचार समुदायसम्म पु¥याउने काम गरिरहेको बताए ।
उनले संगठनले मुस्लिम समुदायको पक्षका पैरवी गर्ने, पक्षधरका विषयमा काम गर्ने, समुदायको हित, समुदायको अधिकारका लागि वकालत गर्ने संगठन भएको र राजनीतिक, सामाजिक, आर्थिक पक्षमा वहसहरु चलाई समुदायका हक अधिकार सदन देखि सडकसम्म पुराउने कार्य पनि गरिरहेको स्पष्ट पारे ।
उनले संगठनको केन्द्रीय अधिवेशन नेकपा एमालेका केन्द्रीय अध्यक्ष, तथा प्रधानमन्त्री केपी शर्मा ओलीले उदघाटन गर्ने कार्यक्रम तय भएको उल्लेख गर्दै सो कार्यक्रममा बैचारिक नेता पार्टी महासचिव कमरेड शंकर पोखरेलको विशेष राजनीतिक प्रशिक्षण रहने खुलासा गरे ।


संगठनका कोषध्यक्ष तथा महाधिवेशन तयारी समितिका संयोजक अब्दुल करिम खाँले अधिवेशन सफल बनाउनका लागि १३ वटा उपसमिति निर्माण गरी क्रियाशील रहेको बताए ।
उनले अधिवेसनमा ४२ जिल्लाबाट ६ सय प्रतिनिधिको सहभागिता रहने जानकारी दिए । अधिवेसन सफल बनाउनका लागि पत्रकार, बुद्धिजीवि, बाँकेबासी आम नागरिक, अन्य आस्थाका संगठनलाई हार्दिक अपील गरे ।
संगठनका जिल्ला अध्यक्ष सफिक नद्दाफको अध्यक्षता तथा शकिल कादरीको सञ्चालनमा सम्पन्न कार्यक्रममा संगठनका केन्द्रीय सदस्यहरुको उपस्थिति रहेको थियो ।