सदरलाइनडटकम,
काठमाण्डौ : बारा दुर्घटनामा गम्भीर घाइते हुनुभएका बाराका प्रमुख जिल्ला अधिकारी गणेशप्रसाद भट्टराईको सोमवार निधन भएको छ । भट्टराई त्रिवि शिक्षण अस्पतालमा उपचार गराई रहेका थिए ।
गत माघ १२ गते कर्मचारी मिलन केन्द्र बाराले निजगढस्थित शहीद हिरालाल पार्कमा आयोजना गरेको वनभोज कार्यक्रमबाट फर्किएको ना १ झ १६३३ नम्बरको जीप पथलैया–निजगढ सडकखण्डको पसाहा पुल नजिक रोकिराखेको ट्रयाक्टरमा ठोक्किएर दुर्घटनामा परेको थियो । दुर्घटनामा परि घटनास्थलमै सशस्त्र प्रहरी उपरीक्षक बलराम पोख्रेलको निधन भएको थियो ।
गत शनिवार एसपी पोख्रेल र प्रजिअ भट्टराईका परिवारले सवारी दुर्घटना रहस्यमय भएको भन्दै छानबिन गर्न माग गरेका थिए । प्रमुख जिल्ला धिकारी गणेश भट्टराईका भाई नरेश भट्टराईले काठमाण्डौमा पत्रकार सम्मेलन गर्दै घटना नियोजित भएको आशंका गर्ने ठाउँ प्रशस्त देखिएकाले छानबिनको माग गर्नु परेको बताए ।
बारा दुर्घटनाका घाइते प्रजिअ भट्टराईको निधन
६ फाल्गुन २०७५, सोमबार १६:५५
