सदरलाइनडटकम,
नेपालगञ्ज : नोबल कोरोना भाइरसको संक्रमण रोेक्नको लागि आव्हान गरिएको लकडाउनमा उपभोग्य सामानको कमी हुन नदिन नेपालगन्ज उद्योग वाणिज्य संघले घुम्ति सेवा सञ्चालन शनिबारदेखि गरेको छ ।
शनिवारदेखि शुरु भएको सो घुम्ती सेवा आईतवार नेपालगञ्ज वडा नं. १ को तेजनगरमा अत्यावश्यक खाद्य बस्तुहरुको घुम्ती सेवा सुरु गरेको हो ।
खाद्य सामाग्री र तरकारी सहितको भ्यान मार्फत सेवा प्रदान भइरहेको संघका कोषाध्यक्ष हरिलाल न्यौपानेले जानकारी दिए । घुम्ती शिविर सोेमबार वडा नं. १२ मा सन्चालन हुने छ ।
घुम्ती सेवामा गाडी मार्फत टोल–टोलमा चामल, दाल, पिठो, नून, तेल, तरकारी जस्ता अत्यावश्यक सामाग्री उपलब्ध गराइन्छ ।
लकडाउनको अवस्थामा कुनै पनि प्रकारको उपभोग्य सामाग्रीमा अभाव सिर्जना नहोस् भन्नका लागि नेपालगञ्ज उद्योग वाणिज्य संघले सम्बन्धित वडा र नेपालगञ्ज किराना तथा खाद्य व्यवसायी संघसंग समन्वय गरेर घुम्ती पसल सन्चालन गर्दै आएको छ ।
तेजनगरमा आईतवार भएको घुम्ती शिविरमा संघका कोषाध्यक्ष न्यौपानेसहित कार्यसमिति सदस्य श्यामसुन्दर अधिकारीको सहभागिता थियो ।
