सदरलाइनडटकम,
खजुरा (बाँके) : विगतका वर्ष जस्तै यसवर्ष पनि बाँकेको खजुरामा तीज महोत्सव हुने भएको छ । लायन्स र लियो क्लब अफ नेपालगन्ज–खजुराको मुख्य आयोजनामा हुने तीज महोत्सवको तयारी तीव्र पारिएको महोत्सवका संयोजक फस्ट लेडी लायन गीता सापकोटाले बताइन् ।
महोत्सवमा सामुहिक तथा एकलनृत्य प्रतियोगिता, परम्परागत तथा मौलिक तीज गीतको प्रस्तुति रहनेछ । भाद्र २७ गते हुने महोत्सवलाई सफल पार्न खजुराबासीहरु एकजुट भएर लागिपरेको लायन्स क्लब अफ नेपालगन्ज–खजुराका अध्यक्ष लायन रोशन सापकोटाले बताए ।
प्रतियोगितामा सामुहिक नृत्यतर्फ प्रथम हुनेले नगद १५ हजार, द्धितीयले १० हजार, तृतीयले ५ हजार र सान्त्वना हुनेले ३ हजार पुरस्कार प्राप्त गर्ने आयोजकले जनाएको छ । त्यस्तै एकल नृत्य प्रतियोगितामा प्रथम हुनेलाई नगद ५ हजार, द्धितीयलाई ३ हजार, तृतीयलाई २ हजार र सान्त्वना हुनेलाई १ हजार नगद प्रदान गरिने संयोजक सापकोटाले जानकारी दिइन् ।
खजुरामा हुने तीज महोत्सवलाई अवलोकन गर्न नेपालगन्ज, कोहलपुरलगायत आसपासका जिल्लाबाट दर्शकहरु आउनेमा आयोजकले अपेक्षा लिएको छ ।
खजुरावासीद्वारा तीज महोत्सवको तयारी तीब्र
१७ भाद्र २०७५, आईतवार १९:१०
