सदरलाइनडटकम,
काठमाण्डौ : तालिबानी आतंककारी समूहले अफगानिस्तानमा यात्रु सवार तीनवटा बस सोमवार अपहरण गरेको छ । उत्तरी प्रान्त कुन्दुजको खान अबादमा आतकंकारीले अपहरण गरेको बसमा करीब डेढसय बढी यात्री सवार रहेको त्यहाँका गभर्नर हयातुल्ललाह आमिरीले समाचार एजेन्सीहरुलाई बताएका छन् ।
स्थानीय समयानुसार बिहान ४ बजे अपहरण गरिएको बसमा चढेका स्थानीयहरुलाई मुक्त गराउन त्यहाँको सुरक्षाफौजले कारबाही शुरु गरेको छ । अफगानिस्तानी राष्ट्रपति मोहमद असरफ घानीले एकतर्फी घोषणा गरेको युद्धविरामलगत्तै यति ठूलो व्यक्तिको अपहरण भएको हो । ईस्लाम धर्मावलम्बीको महान चाड बकरा–ईदका अवसरमा राष्ट्रपति घानीले घोषणा गरेको युद्धविराम सोमवारदेखिनै कार्यान्वय गरिने कार्यक्रम थियो ।
एजेन्सीको सहयोगमा/तस्बिर ईमेजखबर
