सदरलाइन / सौजन्य श्रेष्ठ 
नेपालगन्ज : नेपालगन्जको सुर्खेतरोडमा सोमबार अपरान्हमा भएको सडक दुर्घटनामा परेर एकजना गम्भीर घाइते भएका छन् ।
जिल्ला ट्राफिक प्रहरी कार्यालय बाँके नेपालगन्जका ईन्चार्ज तथा प्रहरी निरिक्षक हृरेन्द्र रोकायले दिएको जानकारी अनुसार कोहलपुरबाट जमुनाह भन्सार जाँदै गरेको यात्रुबाहक बसमा सोही दिशाबाट आएको मोटरसाईकल ठोकीदा मोटरसाईकल चालक गम्भीर घाइते भएका हुन ।
सोमबार १२ बजे दिउसो विद्युतरोड नजिकै भे१ख २३४३ नंबरको बसको पछाडि भे ३ प ३०८१ नं. मोटरसाईकल ठोकिदा सो मोटरसाईकलका चालक नेपालगन्ज न्यूरोडका १९ वर्षिय सौरभ कौशलको खुट्टामा चोटलागी गम्भीर घाइते भएका छन् ।
घाइते कौशलको नेपालगन्ज मेडिकल कलेज शिक्षण अस्पतालमा उपचार भइरहेको छ । भने घटनामा संलग्न सवारी साधन प्रहरी नियन्त्रणमा रहेको जिल्ला ट्राफिक ईन्चार्ज तथा प्रहरी निरिक्षक रोकायले जानकारी दिए ।
सडक दुर्घटनामा एक घाइते
२८ श्रावण २०७५, सोमबार १७:०५
