तुलसीपुर अमेलिया सडकखण्डको यात्रा जोखिमपूर्ण

१७ असार २०७५, आईतवार १२:३७
 

दाङ, राप्ती राजमार्गअन्तर्गत तुलसीपुर अमेलिया सडकखण्डमा ठाउँठाउँमा परेका खाल्डाखुल्डी र भत्किएका नाला समयमा मर्मत नगराउँदा यात्रु जोखिम पूर्ण यात्रा गर्न बाध्य भएका छन् ।

 

गत वर्ष आएको बाढी तथा अविरल वर्षाले सो सडकखण्डमा क्षति पु¥याए पनि सम्बन्धित निकायले समयमा सडक मर्मतमा कुनै चासो नदिएपछि यात्रु जोखिमपूर्ण यात्रा गर्न बाध्य भएका हुन् ।

रुकुम, सल्यान र तुलसीपुर, अमेलिया हुँदै नेपालगञ्ज, सुर्खेतलगायत पश्चिम नेपालका विभिन्न ठाउँ जानका लागि सो सडकखण्डमा दैनिक २०० बढी यातायातका सवारीसाधन सञ्चालन हुने गरेका छन् ।

गत साल साउन महिनामा परेको अविर वर्षासँगै खसेको पहिरोका कारण सो सडकखण्ड उच्च जोखिम तथा जीर्ण अवस्थामा रहे पनि मर्मतका लागि सडक डिभिजन कार्यालय दाङले समयमा ध्यान नदिँदा यस पटक अझै जोखिम मोल्नुपर्ने बाध्यता रहेको बखरियाका स्थानीय पत्रकार देवीराम कुसारीले बताए ।

यसपटक जिल्लामा अझै वर्षा नै भएको छैन अहिले नै सो सडकखण्डमा पहिरो खस्ने, ठाउँठाउँमा नाला भत्किनु र सडकमा ठूला खाल्डाखुल्डी रहेका छन् यसले गर्दा गाडी चलाउन समस्या हुने गरेको छ, सो बाटोमा गाडी चलाउँदै आएका चालक रमेश बस्नेतले बताए ।

यसैबीच सडक डिभिजन कार्यालय दाङका प्रमुख बद्रीप्रसाद शर्माले अमिलिया सडक विस्तार गर्न टेण्डर भइसकेको बताएका छन् ।

उनले अहिले वर्षात्को समयमा नयाँ बाटो विस्तार गर्दा झन समस्या पैदा हुने भन्दै तत्कालका लागि मर्मत गर्न आफूले निर्माण कम्पनीलाई निर्देशन दिइसकेको बताए ।

तुलसीपुरदेखि झण्डै २६ किलोमिटरको दूरीमा रहेको अमेलिया नाका क्षेत्रसमेत हो । तुलसीपुर, घोराही तथा लमही सडकखण्डमा पर्ने खोलामा वर्षाको समयमा बाढी आएपछि ती सडक अवरुद्ध हँुदा पनि वैकल्पिक रुपमा तुलसीपुर अमेलिया सडक प्रयोग गरिन्छ ।

(रासस)

Next Post

भारतको उत्तराखण्डमा बस दुर्घटना : ४५ को मृत्यु

१७ असार २०७५, आईतवार १२:३७
काठमाडौं : भारतको उत्तराखण्डमा भएको यात्रुबाहक बस दुर्घटनामा कम्तिमा ४५ जनाको मृत्यु भएको छ। उत्तराखण्डको कोटद्वारस्थित धुमाकोट पिपली भौन सडक खण्डमा बस भीरबाट खोलामा खस्दा ४५ जनाको मृत्यु भएको पुष्टि भएको भारतीय पत्रिका अमरउजालाको अनलाइन संस्करणले जनाएको छ। आइतबार बिहान पौने ९ बजे युके १२सी ०१५९ नम्बरको बस भीरबाट खसेको […]