युवा तथा महिलाका लागि प्रस्तावना तथा प्रतिवेदन लेखन तालिम

२२ बैशाख २०७५, शनिबार २०:२०
 

सदरलाइनडटकम 
२२ बैशाख, नेपालगन्ज  : राइजिङ आइडल्स बाँकेको आयोजना तथा प्लान इन्टर नेशनल नेपालको सहयोगमा बाँकेका युवा र महिलाहरुको लागि ५ दिने प्रस्तावना तथा प्रतिवेदन लेखन तालिम दिइएको छ ।
खजुरा, डुडुवा र वैजनाथ गाउँपालिका ३० जना युवा महिलाहरुका लागि राइजिङ आइडल्सले तालिम प्रदान गरेको हो । तालिम समापन समारोहमा बोल्दै प्लान इन्टर नेशनल नेपाल नेपालगन्ज एरिया म्यानेजर मिना पराजुलीले प्लानले किशोरी र बालबालिकाको समग्र विकासका लागि प्राथमिकता दिएको भन्दै तालिमले सामाजिक योगदानमा मद्दत पुग्ने विश्वास व्यक्त गरिन ।
राइजिङ आइडल्सका अध्यक्ष विनोद शर्माको अध्यक्षतामा भएको कार्यक्रममा नेपाल पत्रकार महासंघ प्रदेश न ५ का नवनिर्वाचित सचिव शुक्रऋषि चौलागाई, राइजिङ आइडल्सका संस्थापक अध्यक्ष आशिष कुमार वर्मा, गैरसरकारी संस्था बाँके कार्यवाहक अध्यक्ष सपना भट्टराई, प्रशिक्षक सुशील चौधरी, जिल्ला बाल संजाल बाँके अध्यक्ष श्वेता गुरुङ लगाएतले आफ्नो बिचार राखेका थिए ।
आइडल्सका कार्यक्रम अधिकृत विष्णु अधिकारीले सञ्चालन गरेको कार्यक्रममा पराजुलीलाई प्लानको एरिया म्यानेजरका रुपमा जिम्मेवारी सम्हालेकोमा स्वागत तथा सम्मान समेत गरिएको थियो ।
तालिममा सहभागी युवा महिलाहरुको सहभागितामा गठित तीन युवा महिला समुहको संस्थागत विकासका लागि पन्ध्रओटा शिर्षकमा विभिन्न सामग्रीहरु वितरण गरिएको जानकारी गराइएको छ ।  

Next Post

निजी विद्यालयले ड्रेस र किताब बेच्न नपाउने

२२ बैशाख २०७५, शनिबार २०:२०
सदरलाइनडटकम २३ बैशाख, नेपालगन्ज :  निजी विद्यालयले आफ्ना विद्यार्थीहरुलाई पोशाक, पाठ्यपुस्तक र झोला बिक्री वितरण गर्न नपाउने भएका छन् । विद्यार्थीका अभिभावकबाट लिइदै आएको चर्को शुल्क पनि फिर्ता गर्नुपर्ने छ । विद्यार्थीले चर्को शुल्क वृद्धि फिर्ताको मुख्य मुद्दा उठाउँदै आन्दोलन गर्दै आएका थिए । शिक्षा मन्त्रीसमेतको उपस्थितमा शनिबार भएको वार्तामा […]

सम्बन्धित