नेपालगञ्ज : बाँके प्रहरीले अबैध रुपमा उत्खनन गरिएको नदीजन्य पदार्थ ओसारपसार गर्ने दुई टिप्परलाई नियन्त्रणमा लिएर अनुसंन्धान सुरु गरेको जनाएको छ ।
जिल्ला प्रहरी कार्यालय बाँकेका सूचना अधिकारी तथा प्रहरी नायव उपरिक्षक दिपक पातलीले दिएको जानकारी अनुसार बाँके डुडुवा–५ मिलनचोक कम्दीबाट भे १ क १८१६ र भे १ क १८६१ नंबरको टिप्परलाई अवैध नदीजन्य पदार्थ ओसार पसार गरेको अभियोगमा नियन्त्रणमा लिएर अनुसंन्धान सुरु गरेको हो ।
बाँकेको राप्ती नदीमा लामो समयदेखि अबैध रुपमा नदीजन्य पदार्थ उत्खनन गरी ओसारपसार गर्दै आएको सुचनाको आधारमा प्रहरीले गरेको आकस्मिक चेकजाँचका क्रममा ती दुई टिप्परले अनियमितता गरेको पाईएपछि नियन्त्रणमा लिएर अनुसंन्धान सुरु गरेको जनाईएको छ ।
