नेपालगञ्ज : परमेश्वरको मण्डली विश्व सुसमाचार समाज नेपालगञ्जले आफ्नो स्थापना भएको ६० औ वर्षको अवसर पारेर बृहद सरसफाई कार्यक्रम आयोजना गरेको छ ।
मण्डलीका स्वयमसेवकले नेपालगञ्जको पुष्पलाल चौक आसपासमा बृहद सरसफाई गरेको परमेश्वरको मण्डली विश्व सुसमाचार समाज नेपालगञ्जका प्रमुख विकास अधिकारीले जानकारी दिए ।
उनले ८ हजार २ सय ५३ औं विश्वव्यापी सरसफाई अभियान सञ्चालन गरिएको बताउदै मण्डली स्थापनाको अवसरमा नेपालगञ्ज नगरलाई सफा बनाउने उद्देश्यले नेपालगञ्जको गुल्म अगाडिबाट पुष्पलाल चोकसम्म बृहद सरसफाई गरिएको बताए । सो अभियानमा मण्डलीका करिव १ सय ५० स्वयमसेवक सहभागी भएको आयोजकले जनाएको छ ।
