नेपालगञ्ज : नेपालगञ्ज–कोहलपुर सडक खण्ड अन्तर्गत कोहलपुर ८ राम नगर नजिकै ट्रकको ठक्करबाट एक पैदल यात्रुको मृत्यु भएको छ ।
ट्रकको ठक्करबाट कोहलपुर नगरपालिका वडा नम्बर १३ सीमरी बस्ने वर्ष ६० को रामदिन थारुको मृत्यु भएको प्रहरीले जनाएको छ ।
नेपालगञ्जबाट डोल्पा जाँदै गरेको चामल बोकेको मालबाहक भे १ ख ४१४६ नम्बरको ट्रकले ठक्कर दिँदा रामदिन थारु गम्भीर घाइते भएका थिए ।
घाइते थारुलाई उपचारका लागि नेपालगञ्ज मेडिकल कलेज कोहलपुरमा उपचारका क्रममा मृत्यु भएको हो ।
ट्रक र चालकलाई इलाका प्रहरी कार्यालय कोहलपुरले नियन्त्रणमा लिएको छ ।
