नेपालगञ्ज : बाँकेका ग्रामिण क्षेत्रमा दाइजो तथा घरेलु हिंसाविरुद्ध सचेतनामूलक सडक नाटक देखाइएको छ । इन्सेकद्वारा गठित मानव अधिकार समूहले नेपाल राष्ट्रिय मावि गोदहनामा सचेतनामुलक सडक नाटक प्रदर्शन गरिएको छ ।
विद्यालयका प्रधानाध्यापक पारसनाथ बर्मालेसडक नाटकले विद्यालयमा बालबालिकाहरुको ज्ञान सीप क्षमता अभिबृद्धि हुने र समुदायमा सचेता फैलाउन सहयोग पुग्ने विश्वास व्यक्त गरे ।
स्थानीय मानव अधिकार समूहका संयोजक कौशिकी यादवले समुदायमा दाइजोको कारण घरेलुहिंसा बढी हुने भएकाले समुदायमा भएको दाइजो प्रथा र घरेलुहिंसा विरुद्ध सचेतना सडक नाटकमार्फत सवै समुदाय, वर्ग सचेत हुनुपर्नेमा जोड दिए ।
इन्सेकले विगत २ वर्षदेखि मानव अधिकार गठन गरि उक्त विद्यालयमा विभिन्न सचेतनात्मक तथा बालबालिकाहरुको क्षमता अभिबृद्धि गर्ने कार्यक्रम गर्दै आएको इन्सेक जिल्ला सहजकर्ता लक्ष्मी थारुले बताइन् ।
